錯過左添!!!

點解我會收唔到風，套片裏頭會有Johnny Depp既訪問哩...好想好想聽下佢講樂隊講音樂啊啊啊~~

~~~~~~~~~~~~~~~~~~~~~~~~~~~~~

早排新左青是否「波布族」居然都可以惹起討論，互聯網絡的確有夠偉大。呢類帶有道德判斷的問題，多糾纏下去迅速就變成互扣帽子的遊戲，倒喜歡其中有聲音理直氣壯說「小資同社運無衝突」，實在有趣。

與其指別人是否有波布傾過小資生活，不如問自己有無。

喜歡文學電影音樂戲劇等等精緻藝術算唔算？唔算，因為藝術反映人生反映生活更深刻體會人性自然會得對社會對人民有更深入的分析見解；算，因為藝術裏頭各種技巧越傳越精緻越搞越複雜得嗰少少人明仲要係有閒有錢有學識既人先消費到。

喜歡對生活細節事事有要求衣著飲食旅行都要有獨特品味算唔算？唔算，因為有要求有品味比較鍾意享受生活細節唔等於用好多錢而小眾只是口味比較獨特；算，因為搞咁多野本身就己是想利用生活細節將人分類而且咁得閒搞咁多野在自己身上卻不用黎社運就是浪費。

喜歡閒時做下義工搞下社運寫下文章批判現實算唔算？唔算，因為人人都要維持生活忙到飛起仲肯抽時間出黎支持下基層的問題己經難能可貴；算，因為閒時良心過意唔去先用唔影響自身的方法「消費」社運過後心安理得繼續支持資本主義社會的運行。

算唔算？唔知喎。只知每當我想走近這些精緻的東西時，總會有人說，「你又想扮小資」啦。

好好好，我無資格，基層就是基層。