朋友

生物系二等一級榮譽畢業朋友，有次同佢打邊爐，手痕起勢攪個煲，比佢鬧「咪攪啦，會有風架，等陣食左肚痛」。

統計學系博士候選人朋友，有次打牌計錯數(9+1=9)，起勢嘲笑佢之後，佢回應「係數學上黎講，九加一係可以等於九既」。

己經執業既中醫朋友，有次個體弱多病朋友又趁聚會問診，睇左佢兩眼之後，佢勸個病人「你都係睇下醫生好d喎」。

~~~~~~~~~~~~~~~~~~~~~~~~~~~~~~
雖然讀乜唔等於信乜，但係同一番說話如果出自他人，好笑度實在會大減。又其實，寫出黎純粹因為忽然覺得，有呢班咁既朋友實在高興。