唉

密室勸退過後，迫住甘乃威開個咁既記招，真陰公。記者句句迫問感覺，甘生也就一次次重申我自願我自願我自願，慘到似比人非禮完之後迫住認自願咁，唉。

明明至少係有贏面既預預賽，攞個頭彩都好嘛，點知亂成一團，互篤底下盡見一盤散沙。如果晨早係想公推共主，搞乜呢頭話要預選嗰頭揀個卒出黎然後又一招密室勸退??

無端端又捧呀前女高官「等佢發落」，比位人地做共主，唔知為乜。即便佢真係肯選，憑乜咁有信心佢上左去唔會掉轉槍頭先?

而呀甘生又再一次被犠牲，仲要心甘情願咁既樣。白鴿係衰，但班白頭少壯第二梯隊，去到咁既位都唔敢走出黎反枱，唉。學下人地宋楚瑜，至少叫轟烈過一場丫。

看了又看，泛民呢班人，仲點支持落去，唉。