唔信即係信

今期時代有文介紹, 謂有人將德蘭修女的書信文稿輯錄成書, 揭示被喻為現代聖人中信德最夠的人, 原來50多年傳道生涯中, 一直一直無法感知神的存在.

1, 2, 3, 4, 5, 6, 7.

於是, 當她每天每天晨早五時祈禱, 原來是為了尋找上主的聲音; 當接受訪問例必回答主與我們常在, 也與我們所扶助的貧窮無依者常在, 但原來就是沒有與她常在...越想, 越覺得這樣的一生過得很悲涼.

但問信教的朋友們, 卻又十個有九個答我, 就是因為即便不相信神與她常在, 但她仍然每天每天祈禱期待神的聲音, 有問必答上主與她同在, 並訓身施行神的工作, 這樣才是信德的典範...

即係唔覺個神喺度既人先至係與神同在, 而覺得個神成日喺身邊既其實先唔係真; 於是唔信即係好信而好信既人其實唔係好信???????????

漫短 : 對抗政治犬儒

漫短在此。歡迎吹水。

紮鐵工潮(二)

單就紮鐵單野收風而言，經濟明報最齊，其中又以經濟料夠快，叫最似我所知既版本(真係想八下仁記既版本係點)。然而報內幕的作用，除卻八掛以外都唔知要黎做乜，彷彿解唔解決到件事，全靠各種人事關係就可以了結。諸如對所謂國際工會的介入，分析幾乎都無仔細拆解。

又，看無記亞記一個個專輯，各派頭目接受訪問時，理直氣壯地說著各自對事件的傳釋。那種面不紅氣不喘地說著「並非事實之全部」，功夫之深，實在叫我汗顏。我知道我明白這些都是要在這圈子混下去的基本技倆(其實在其他行頭何嘗不是)，他們耍這些也不等於不是真心幫工人，然而在想，在街上相信他們說話的工人們，無論如何也只是籌碼而矣。

是以糾纏咁耐，在950與850甚至800中間，邊會無中間方案，工人又點會真係為啖氣同你企硬一定要950。自己提既位商會唔受咪用「為尊嚴我地企硬」黎搖旗，無話唔得既，但到宜家搞左近三星期，搬埋國際工會出黎人地都唔受，想退後又比「尊嚴」綑綁住，唉唉。上司成日提搞事切忌熱血上頭，又或耍情緒手段統合工友，中。

而且資深同事謂，工人們表面對工頭客氣，其實在得不到任何成果時，也只會將工頭小爆。像今次，紮鐵工的異常團結，背後推動力正正是「勞氣與義氣」綑綁的江湖氣；是以有開工工人比人打，工頭們也要預了到時到候，若工人們得到利益，隨時可以反咬其一口。說到底那是「分紅不均」的問題，不要將基層問題上訴道德高地，也不要將工人們幻想為無助弱勢。

紮鐵工潮搞咁耐，由工會到政黨到政圈反應都非常精彩，尤其見白鴿初期無乜人跟到單野大左就成班大佬湧出黎(唔一定係搶功，但個團隊分工差到呢…)，精彩到丫。然而若商會妥協，今後工潮就真係風起雲湧，勢將工人與資方的交涉模式，回推廿年前的鬥街頭曨馬。係係係，現有談判機制無法將工人意願訴諸討論嘛，但點解改善方法唔係如何修改現有機制以更有效討論問題??

好老土，不過，或許又是合久必分分久必合掛。

然後，忽然，毫無原因，就消失了

1號朋友，大學時期所遇奇人，現在的工作還是她介紹的。成為朋友前己有人提醒，「佢對人好同對人唔好都可以毫無原因」，然而相識時屬「佢對緊我好好」的狀態，也就由得關係發展。然後，忽然，毫無原因，就消失了。還在想情緒飄忽的她是否有事，卻從別人處得知，活得好好哩，但就是想從我的脈絡裏頭消失。

2號朋友，中學多年好姊妹，從00至05幾年，由香港到澳洲再到香港，書信過百封(芳鄰開張時她也有來留過言)。然後，又忽然，毫無原因，就消失了。這一個，真的真的好擔心好擔心了許許多多個日子，用盡方法聯絡但又怕她真有事煩應接不暇。然後，又是從別人處得知，活得好好哩，但就是想從我們的脈絡裏頭(中學的好友群中)消失。

不是不是想呻什麼，她倆都是好人好到我希望她們往後能夠快快樂樂的過日子。但看不開就是看不開，又想追問原因又在追想自己幾時得罪人，久久久久都是放不下。老友笑我對待前男友或情人等，幾乎都是一下子決定放下就放下，點解對女人反而咁放唔低。

唔知呢。

如果佢係我個仔

如果沈小朋友係我個仔，我會教佢坦白面對傳媒的提問。

例如：

「其實，我真名叫阿寶，我係新類型人。」

又或者：

「其實，我係第一個基因改造複製人，而我爸爸正打算造一個三歲u grad既弟弟。」

又又或者：

「其實，我查過香港法例，覺得可以告我爸爸虐兒。」

贈書書短

為收風昅市，辦公室裏各方書藉刊物多到無倫，睇到唔睇。尤其書展過後，各類贈書更是一式三本地寄到，雖則明顯是賣唔去的流行剩物，送上門自然掃埋，當開眼界。

Pop Trash不作紀錄，三幾本中文書還屬睇下無妨：

《我要安樂死》

難得一個「自私卑鄙庸俗人」的自述，傷前的人生願望只想買車供樓結婚生仔，傷後亦只是人之常情地怨憤無聊無所用心；想看討論安樂死的人可以過主，書中有的，只是一個癱瘓者坦白得可以的怨懟。連心路歷程都不算，同事謂此為「咒怨之書」，釋放負面能量，中。生命當然可以有更深廣的層次，然而若其本人不覺不明亦不屑擁有，由佢死啦。

《綜援-nization》

又一本弱勢/邊緣人士的口述故事書，題目其實應為「偏見是如何產生的」，全書以左翼角度用力鞭撻政府劃線式管理社會資源的「問題」。然而讀畢全書，找不到論及如何不以劃線施行資源分配，又或資源分配與個人定位等實際問題的討論。亦即又係一本吶喊書──無話吶喊唔好/唔準吶喊，但咁樣其實仍然無法與堅信「資源有限唔劃線點分配資源」的主流價值溝通。

《事後─本土殖民誌》

算是非常賣得的我這一代人下集，指桑罵愧的典範之作。在強調自己七十年代文化精英身份的同時，點解那一小圈海歸文化派，就等於「我這一代人」的代表?? 實在是留給人們開筆戰的好位(作者好似有心寫到咁，撩交打??)。欠人一篇書評，寫緊。

《全面都市化的社會》

來來去去三幾個觀點，反反覆覆又是那些例子，有理論無論證更無推論或衍生討論。然而是但捉住其中一兩個觀點或例子，又或將其中閃現(真係得一兩句咋)的重型理論寫長，絶對是做功課又或生產論文無橋時，相當好的論斷抄襲書。誠意推介與所有文研同學。

短打(七)

父母

傳說，9歲小神童之所以咁早考高考，純因哥哥考牛津爸爸想陪讀但拿不到簽證，於是硬把當時7歲的他帶過去並塞入預科書院讀中六。無辦法不讓我想起並比較梁道靈的個案。

聖帕

見它吹到台灣去，身邊朋友同事無不高呼可惜。然而對於一個中心風力達240km/h，亦即當年反轉香港的颱風york的一倍，唔知點解大家可以若無其事咁將佢當一般颱風咁「歡迎」。

戒熱鬧

忽然發現，唱k、邊爐、全都是圖個熱鬧的活動。又忽然，想戒。

性交

時代上期謂，美國現時有4%的成年人，從未試過任何形式的性交。以2億左右的成年人口計，即有近千萬人未試過…好難想像。

無與論比的《基地》

十日內將《基地》7集啃下，然後再用十日將之番煲消化，但還是未能整理感覺將之記下。難得的好書。

農夫市長

李明傅初選勝出，輿論估只要唔出錯，做硬下任總統。搞條清溪川就可以做總統，證明林鄭落力搞城規，前途無限。

紮鐵工潮

一直想等件事告一段落再作總結，然而，行動似乎無日無止，且各方勢力亦己將問題越扯越遠，也就草草記下幾點當自己紀錄。而又，本文絶無內幕，我呢挺小小齒輪邊有可能接觸機密，就算真係有咩唔講得既野，拜託，那一點點職業操守我還是有的。

早想回應tungpo所指的做秀問題。動動員也好展示實力也好，有其必要只在於香港己經成為傳媒主導的地方；我城人大都習慣透過傳媒認識世界，傳媒不炒，無人做野，包括總覺得自己是最前線的部落人、網絡人以及新左青們。

又，有關工會恩仇，邊有傳媒炒得咁精彩。紅記同仁記係就係好似一左一右，一激一保守，然而相方明白大家資源唔同客路唔同；發言人爭論還爭論，實質接生意時，你開會傾完做唔掂咪我接，我激完爭唔到咪你執手尾，個餅太大既議題咪一齊做。

兩邊吵到出口，最多係因為紅記開會傾緊，仁記竟然呢頭拉人走。你可以話有人唔跟江湖規距，但紅記自己碼人不力亦難辭其咎；再加上當時仁哥不在港，佢地對工會又是行AO制，組織幹事權限夠即時決定以激取勝。結果當日亂成一團，變左比人影到爭客，事後證明無人有著數。

單野變得咁難睇，又同tungpo所指的風險評估有關。我都搞過幾次千人行動，天氣、行程、人腳、物資、安全當然要做，你指的當年好似死過人就真係唔清楚，但宜家紅記搞行動既人腳都老化，難有過激行動的了。

而今次「掠野掠出事」，明顯係衡量風險出事，仁哥返到黎焗住將行動升級，又好少見。以前唔係無見過，例如酒樓倒閉潮，傳話佢地發動欠薪工友走去同一老闆另一間舖開茶位鬥坐。橋係好而且聽講係成功爭取，但同事云個行頭咁細搞到咁激工友事後點生活??

如果有跟開勞工野，就知仁記同勞聯既關係又勞聯同紅記的關係，中間仲夾多個三加六。勞工界弱勢得黎人又多，邊個組織有能力食曬個餅先? 同事成日發夢話一次過可以動員所有勞工就爭咩都實成功，呢個當然係夢，但話關係差到互扯後腳搞禍件事，又未見係囉。

而又，紮鐵單野「可以爭取」既野同「爭取緊」既野，落差實在太大，又係令件事拖落去既因由。原本只係紮鐵工爭取加薪(呢樣都叫有得傾)，到引發建築行頭內部多年積壓既怨氣，到宜家變左「覺得自己加得唔夠多既人就上街啦」(見到社工同教協派人出黎我就笑到死左)。

比我係官，又真係唔知點收科。一不是政府工程，到宜家大家反曬枱，連協調都唔知企咩位；二是行頭積落判上判，根深蒂固的做法，不是任何勢力可以解決的問題；三呢單野變左針對有人加得多(eg公僕)，又或管理層扣錢唔放，呢d幾乎係香港勞工既積敝，曉飛都唔知點樣一時三刻搞掂。

Btw，自德信之後好耐無見咁大既工潮，當睇熱鬧。

To the mathematician

So an engineer, physicist, and mathematician are staying in a motel.

Late that night, a fire breaks out in the engineer’s room. He luckily wakes up, sees the fire, and dumps water on it until it’s out. Disaster averted, he returns to bed.

Later that night, a fire breaks out in the physicist’s room. He luckily wakes up, sees the fire, calculates how much water he’ll need, and puts just enough water on it that it goes out. Disaster averted, he returns to bed.

Later still, a fire breaks out in the mathematician’s room. He wakes up, sees the fire, exclaims, “There exists a solution!” and returns to bed.

判決

HCAL 87/2007
J U D G M E N T

1. In judicial review, the court is concerned with the legality of administrative decisions. The court can examine whether an administrative decision has been made in accordance with the relevant legislative provisions and other common law principles securing the procedural and substantive fairness of the process. However, the court cannot substitute its own view as regards what decision should be made. Provided that the administrative decision is one a minister or an executive body can lawfully make, the court cannot interfere.

9. Graded buildings, even those Classified as Grade I, could be demolished. According to the information set out in the Legco paper, out of the 607 graded buildings in the past 27 years, 54 had been demolished including 5 Grade I buildings.

10. Further, not all Grade I buildings were declared to be monuments by the Authority. 607 historical buildings have been graded and 151 were classified as Grade I. Out of those 151 Grade I buildings, only 28 were declared to be monuments. At the same time, the Authority has also declared 26 Grade II buildings and 3 Grade III buildings as monuments.

11. Hence, as a matter of actual practice in the past, a classification by the Board, whether as Grade I, Grade II or Grade III buildings, is not determinative as regards whether a declaration would be made by the Authority under Section 3 of the Ordinance.

~~~~~~~~~~~~~~~~~~~~~~~~~~~
咩叫輸打羸要? 就係呢個結果一出, 就鬧司法唔獨立呀同流合污呀解殖未成功呀之類既人..

又, 呢幾個論點其實早有人提及, 唔聽唔理之流, 硬係要迫個法官出黎讀多次, 然後連司法都鬧埋. 咁樣, 我己經唔能夠覺得係理性既討論(雖則好耐之前己經唔多係).

而又, 既然輸梗, 唔係應該在判決前諗掂傾掂應該點利用呢個輸梗既結果, 去將整個運動作個總結/推進/發展/升上神枱??

路遙...

咁就去左...

但同事們第一時間討論既係: 補選!

到底會係葉劉葉國定何蘭??

dklm(2)

~~~~~~~~~~~~~~~~~~~~~~~
Student IT Competence Online Booking System

You have passed the IT Proficiency test.
No booking of test/self-learning can be made
~~~~~~~~~~~~~~~~~~~~~~~~~

ahahahahahahaahahahahahahahahahahahahaah
及格呀及格呀及格呀唔駛重讀呀~~~~~~~~~~~~~~
唔放棄原來真係會有奇蹟架~~~~~~~~~~~~
好老土呀但係好高興呀~~~~~~~~~~~
係係係, 呢個神蹟係佢用黎教訓我, 唔好郁d就小人..
明喇明喇明喇明喇,
改改改改改改改改改~