我唔玩喇

一直, 很相信, 文字.

相信, 只要坦率, 就會動人.

這裏, 不止是blog, 而是部份自我.

所以, 這裏的文字, 即是我.

但, 己經不止一次, 告訴我, 我所相信的文字, 不能傳達自我.

誤會. ..

定還是, 文字有功, 那才是真實的自我?

不是坦率, 而是虛妄...

無論如何,

算, 我唔玩喇.

笑

朋友寫了篇讓我笑個不能停的文章。

不是嘲笑，而是，想「哦原來係咁」。平日她的不快不平不滿不樂，原來，係因為咁呀。

當然，可以只是部份原因，真實原因永遠都係自己先知。然而，笑，是因為，曾經，自己也因著相同的問題而被困。

我的那種怨憤嫉妒淒厲肯定比她的不快不平不滿不樂有過之而無不及，現在，總算放下，然而，過去，一定是陰魂不散的，時有翻發，但總算不至於又再被困。

思存留言說笑唔出，因為「想起了，我有一位心態上最親建制的朋友，此刻走到了死胡同裏」。心地好就是心地好，因為，黑心如我，總想，思存的朋友的心態是自築的，自己不放過自己，當然只能在死胡同打轉。

Deborah Kerr：「痛恨與你想像的不同，是沒有用的，時代一定在變遷。」如果那只是你想像的，痛恨當然只是繼續自欺；如果那是現實如此，與其痛恨不如參與推進改變現狀。

我自己曾經最不堪的，是在怨懟之下怨命水唔好時運唔好妒忌他人的機遇然後望天打掛覺得個天欠自己一個機會。醒覺那一下，是，發現，無機會，就該自己打出機會。

當然，諗通，唔等於機會就會出現，唔等於問題就己解決，唔等於就此幸福快樂。但，諗通，我自己至少面對問題，會先問自己仲有咩可以改善，有剩時間會得花在改進自己，而不是怨憤嫉妒淒厲叫喊。

而且，至少，我自己笑得出。

~~~~~~~~~~~~~~~~~~~~
編按: 文中粗體為後加文字, 因本文刊登後被引文作者投訴. 惟有在每句句子加番曬我自己我自己之類主語(文藝人嘛好唔慣主語行先的句子), 以澄清本文純粹記我自己的一些體會, 仍然要對號入座的話自便, 係咁.

約

再唔睇, 應該無得睇~
有無興趣一齊睇?

頓悟

都說急不來, 有些事情, 要等頓悟.
遇上了些人和事, 驚嚇之下突然明白, 先前的所作所為, 有多駭人和騷擾.
頓悟, 停手.
致, 給我騷擾過的人: 非常抱歉.

That's why I don't use Facebook

“In the pre-internet days, neither of us would have even thought of calling each other friends. We’d have called ourselves friends of friends who met once and yet, for some reason, kept sending each other grammatically challenged, inappropriately flirty letters with photos of ourselves attached. Police might have gotten involved.”

~‘You are not my friend’, “Time” 29/10/07.

爆odd

被約飲酒，出到黎先知全場零相識．
外加人人勁裝clubbing look滿口中英法德語，牛記如我，爆 odd．
只記得，一批批煙酒人又一間間bar pub club又成班人夜半在中環遊蕩如孤魂．
然後，我忘了第三杯Margarita後發生過什麼事．

~~~~~~~~~~~~~~~~~~~~
美人說，因為，後現代讀多了，洐生出虛無．
我說，虛無過後，只有當下，最終也就只剩下消費了．

短打(九)

生日
正日，兩位美人相伴，好酒好食言笑晏晏，感謝相伴，愛你們。我知道，該愛愛我的人，不要再祈求無法得到的一句生日快樂。

教育
一開會，各方人等以各種理由爭資源。免費教育變強迫教育夾硬升班高中畢業等同小學程度教師脫節無法調解學生問題等同獄卒副學士陷入樽頸大專生就業工種激少等等等等，無討論。

布波
又一個曾經堅持的朋友，陣亡。不能過小資生活，真的那麼艱苦? 再一次強調，請分開食得無咁好同餓死的分別。布與波是相沖的，而布，通常只成了波的包裝。

分裂
A人格在說，人人都要生存各方人等爭資源各人為向上流眼不見為淨是很合理的事；B人格同時說，人人自私搶食最後只會肥了些人餓死許多既然不會餓死處就該多關心社會；C人格又同時說，扮咩關心社會小薯有咩能力資格自己都顧唔掂學咩人講貢獻社會；D；E；F；G；H….

收購戰
八千五係天價但都無法原區再擁有一楝三層大宅，迫得佢盡就搖旗call更惡既大佬黎反收購；政府就放聲氣話行政上做唔到，何況晨早己經買斷左幾楝落左釘睇你點反收購。在城規重建上，終於有人同政府鬥爛，正，最好遲下互cut水喉放蛇恐嚇兩敗俱傷。

愛是
「愛是恆久忍耐又有恩慈，愛是不嫉妒，愛是不自誇，不張狂，不作害羞的事，不求自己的益處，不輕易發怒，不計算人的惡。不喜歡不義，只喜歡真理，凡事包容，凡事相信，凡事盼望，凡事忍耐。愛是永不止息。」

自問做唔到，所以，抵我永遠無法滿足欲望。

MSN

沒有留下一句遺言，突然，毫無預兆地，它就去了。
連帶我所有的回憶，和聯繫，通通消失在虛擬之中。
會再add我的自會再add，然而，某些人，肯定就此失去聯繫。
是天指示我，這些人，塵緣己盡，不應再貪吧。
應該忘記應該放下應該戒掉吊癮。
但，唔捨得到胃又痛。

小………………………………

生日(二)

今年的生日禮物都特別的奇，第二份禮竟然是首德文詩．
很漂亮，謝謝您．

Die Lorelei

Ich weiß nicht, was soll es bedeuten,
Daß ich so traurig bin,
Ein Märchen aus uralten Zeiten,
Das kommt mir nicht aus dem Sinn.
Die Luft ist kühl und es dunkelt,
Und ruhig fließt der Rhein;
Der Gipfel des Berges funkelt,
Im Abendsonnenschein.

2. Die schönste Jungfrau sitzet
Dort oben wunderbar,
Ihr gold'nes Geschmeide blitzet,
Sie kämmt ihr goldenes Haar,
Sie kämmt es mit goldenem Kamme,
Und singt ein Lied dabei;
Das hat eine wundersame,
Gewalt'ge Melodei.

3. Den Schiffer im kleinen Schiffe,
Ergreift es mit wildem Weh;
Er schaut nicht die Felsenriffe,
Er schaut nur hinauf in die Höh'.
Ich glaube, die Wellen verschlingen
Am Ende Schiffer und Kahn,
Und das hat mit ihrem Singen,
Die Loreley getan.

～Heinrich Heine, 1822 (1799-1856)

掟仔落街

又一單，炒作幅度仲要比上一單細，唉。

出聲嘈的團體訴求幾乎一樣，都係要資源要資源同要多d資源；政府的回應亦幾乎一樣，都係盡力做盡力做同盡左力做；評論的反應更當然一樣，都係鬧政府唔肯做唔肯做死都唔肯做。咩叫麻目左? 訴訴團體+政府+評論+我地呢班睇評論既人，無論幾聲嘶力歇眼泛淚光，都係絶對麻目。

政府硬實唔做的原因都係嗰d，扯埋咪又係香港精神作崇資源分配不均移民戍邊規劃失衡造成問題聚集共震效應以致不可收拾。團體呢又? 環境係咁惡劣掟仔落街係隔一排就有仍然死口咬住政府唔肯改有咩用? 要扯埋點解搞成咁當然可以又係因為香港無普選民意上達唔到，但我當2012神蹟地有都要多5年，宜家己經成日諗住要掟仔落街既人等得到?

評論遇到呢類道德高地位，當然搶。但我當你吹水好咩都好，吹水唔好側埋成日叫政府做呢樣做嗰樣(死心啦曾九係唔會為左”無牙”既弱勢做任何事)，幫班團體諗下點樣係無米既情況下煲到粥會比較實際囉，至少，我仲信部份團體係有心做。團體目標高尚都好，個機構餓死同食得無咁好係兩件事。

最後，我地呢班睇評論既人，當然係拎去填海。

~~~~~~~~~~~~~~~~~~~~~~~~~
做夠兩年，無法唔慣左估量各方人等的言論企位，最後當然包括自己的工作性質。所有爭論都是爭資源爭權力為著讓組織存在為著可以等下一次有事時有權出聲，想長做就一定有交換。然而，真係有用?

在天水圍教小學的朋友說，唯一幫到小朋友的是「教好他們盡快出人頭地，有能力搬離這區，就無事」．聽罷我既時反枱，然而自己氣些什麼，到現在仍說不清．

新地皮又天價成交，鄰近業主旋即封盤，380萬的即加到420，轉下手所賺的，又是天水圍家庭夠食幾年的數。

個世界唔應該係咁既。胃痛。

係, 知道, 停止沉溺

比人鬧無病呻吟了哩...
係, 知道, 停止沉溺.

咁我不嬲將呢度當排毒的說

混吉無聊自私幼稚抵死

開始心痛開始想嘔開始唔飲訓唔著開始用無聊方法吊癮開始行屍走肉咁過日子。單身得逍遙自在的朋友話佢有Intellectual freedom填補，但not in love , not enough係我天生無藥醫有病得未，比佢咒我永不得解脫找不到不如不找做尼姑算啦。混吉我放得低的話就唔駛做呢d形式上既事，係呀客觀黎講咩都無開始過，但我自己開左個頭停唔到，係報應喇抵死得未。

好頂癮自己一把年紀仲要為左男人發癲，人地唔鍾意唔高興覺得唔係我覺得我唔夠班同佢玩，夠未，係又好唔係又好人地有理由唔鍾意咪得囉，糾纏落去為乜啫。係呀我慣左做男人追緊女仔呀，但都有個限度唔係一句愛就可以無限期騷擾他人，停喇好未，再糾纏落去自己都憎埋自己好無聊好浪費時間，小。

又唔係無男人可以要做乜要要死一個唔肯要既人，反正回復單身最奇妙是好些朋友左好耐的男性忽然再"接近"，橫豎都係想要個伴做乜唔捨難取易收手算數好好過日子。但我就偏偏捨易取難硬係唔肯放過人放過自己繼續糾纏落去，混吉，無聊，自私，幼稚，抵能死。

生日

今年第一餐生日飯, 收到非常有意義的禮, 外加朋友大病仍然赴會, 感謝各位朋友~

比人請的感覺很尷尬, 尤其因為自己攪事而搞大左條數, 歉甚.

愛你們~~

~~~~~~~~~~~

我知道我知道自己好麻煩, 但, 現在, 於我, 最困難是, 什麼也不做..
好唔高興搞到自己咁煩人, 唉.

短打(八)

田少

唔係低能唔係少爺仔，人地上流啫。與李生要強姦人地間學校、阿太行行下遊行要恤髮一樣，慣左想點就點。

何來

原來佢仲選區議員喎，始料不及。但又反證，佢真係「獨立參選」囉。

施政報告

政治計算非常準確，兼融辦公室政治與政黨調控，當然，就民生而言是另一回事。

中區

原楝原設計保留當然好，留黎做圖書館博物館文化藝術館更好，但邊個肯出錢?

景賢里

政府駛「橫手」迫到個業主修復好間屋先傾價錢。早兩星期聽過下政府話會出手，但無諗過係用呢招，強政厲治，利害。

2.5 %/ 2萬9

建議來年人工只加2.5%，無所謂，反正打工無發達都係要靠炒股，股市好就夠。於是，工資增幅差距擴闊貧富懸殊加劇通帳重臨等等，都無所謂，整套價值觀因股而就此縫合。

MSN

總是習慣開著他的browser，彷佛能夠共存在同一的世界。然而看著他的名字登入又登出，看著他的狀態由在線到離開到離線又再在線，其實沒有發生任何事的可能。點解我仲要用呢個方法黎吊癮?

幸災樂禍

何來參選，實話實說，我是有點兒幸災樂禍。

原本話的6:4，經過又何姨姨又勞醫生又密室勸退又初選亂局，其實己經好危；外加撐傘失算證明無阿太效應，泛民搖旗機制失效社民連公文袋星星失蹤，仲要搞出阿太開小差恤髮事件。幾死硬支持者都嘆，班友，點撐得落。

宜家好啦，建制外的新星唔妥你班友，做埋你第二梯隊唔敢做既野，郁你咪郁你囉反正唔係圈內人，少來談江湖規距內鬥會益左外人的問題。反正無可能贏，就係要黎個一拍兩散，等泛民頭目們了解下，有幾多人唔妥佢地，都好。

之前聽話佢選區議員，都估，唔係掛，佢點會睇得上眼地保位。宜家，泛民幾乎搭好個台比人上，而佢都被記者迫到答左話下年有部署；反建制人肯走入建制其實好難得，儘管入左去其實都係迅速被消化，但多多少少激起點點水花，都好。

今次，何來攞到幾多票都係一個警號，如果泛民仍然當自己既問題透明，真係等下年一舖死直算。幾時都話企喺建制外做野痛快得多，當然，無任何選舉機器輔助下，到底可以得幾多票，非常好奇。

而又，葉劉今次真係開心死。

我們的啟德河

一個月心血, 反轉整個辦公室.

為分工築路舖橋整頓河道修補衙前圍, 同事們爭資源鬧大交, 投訴自己負責部份"唔夠budget"的聲音不絶於耳."保育"與"發展"的矛盾, 面對budget有限的時候, 唔到你唔覺得係"矛盾".


結果, 文字大報到齊, 南早更加派四位記者到場話"做專題", 可惜兩位高記的許多問題, 我們也無法回答. 尚幸中大建築系有好多同學仔黎左, 技術支援交到貨就是.


不知有生之年, 會否見到啟德明渠真的變成河, 然而至少呢份工, 可以比我打下飛機聊以遣懷.

又選主席

咁又一年，財會又選主席，卿姐對耀宗。

一開會卿姐己發爛，話拉票時被人串已有指令投邊個暗示佢收皮。

於是，泛民幫拖叫囂又咩中聯辦干預又咩要捉邊個講d咁野又咩要投暗票等等等等。

嘈餐勁，聽到頭痕，呻左幾句：班友嘈埋曬d無聊野做乜。

立刻被同事串：放左個暑假好耐無聽會呀你，佢地開會不嬲都係嘈d無聊野啦。

結果，22對31，無得講，卿姐真係收得皮。

Free Burma

雖然過左期, 但都請參加.

http://www.free-burma.org/

引用樹雄的話, 在什麼都做不到的情況下, 只能希望「當緬甸境內的人再度接觸 internet 時，能看得見這「網路旗海」，感受到些微暖意，聊勝於無」。

邊個最想建制係鐵板一塊?

早輪二梁討論本土主義，張炳良倒來了個較全面的總結。

然而，『在民間社會中，以「二梁」論爭為例，存在非單元化的本土論述光譜，在所謂建制或親建制部門，也不盡是鐵板一塊，對發展、保育、香港定位等問題，也一樣存在多於寡頭的視野與思維。』行會成員處身核心當中，理應是實情，但，相對的泛民陣營是否願意/希望/相信建制不是鐡板一塊?

唔知點解偏左陣營的可討論空間，總不比他們反對的建制派要大多少。獨媒本土行動等等等說追求民主的組織，在汲納意見時的寬廣度是有目共睹；白鴿作為泛民在建制的最大頭目，點對自己有不同聲音的第二梯隊亦眾所周知。

聽過最恐佈的說法是，最不希望見到有普選的是倚賴這終極吸票旗號的人。具體表現是強化建制的「硬度」，並持續宣稱或以手段建構建制派乃鐵板一塊無法改變。例如工記下下有行動都被扣帽子話咩秘密會議勾結商會等等等，非常方便某些人搶佔道德高地。

不是又想指罵誰，而是，將事情二分忠奸，讓民間易於吸收理解認同然後參與行動，的確是社運要成功的好方法。像台灣，所有議題綑綁在藍綠問題上，文化部長搞古蹟保育都要先被質問「你不是台灣人!」，二分之下一搖旗便可來個天下圍攻，方便。

香港，未至於咁直接，但跟老闆搞城規咁耐，試過無數次在討論保育之前，要先過一關被質問「你唔支持普選唔支持民主!」。

你話，邊個最想建制係鐵板一塊?

影短: 色戒

幾乎全中的影短.

難得作者也認同天涯歌女一段的重要, 當然, 我是看得熱淚盈眶心悸不己.

願意為愛放下防範, 無論在那個世代, 都是浪漫.

新開始

謹記今天立下決心的因由.

然後, 以毅力, 持之以恆.